Shtëpia diskografike amerikane Warner/Chappell Music do të duhet të paguajë për të drejtat e autorit për këngën e njohur në të gjithë botën “Happy birthday to you” (Shumë urime për ty).
Kjo është ajo që ka vendosur një gjykatë federale në Los Angeles pas akuzës së vitit 2015, e cila e cilësonte si jo të ligjshme kopirajtin mbi melodinë. Warner Chappell Music ka rënë dakord të paguajë 14 milionë dollarë për të gjithë ata që kanë paguar tarifat e licencave për përdorimin e këngës.
I njëjti gjykatës, George King, në muajin shtator vendosi që kopirajti i regjistruar i kompanisë Clayton F. Summy Co. në vitin 1935 garantonte të drejta vetëm për disa pjesë të caktuara të këngës, por jo për të gjithë këngën.
Melodia, e cila njihet gjerësisht në të gjithë botën, u kompozua në vitin 1893 nga motrat që ishin mësuese në kopshtin e Kentucky, Mildred e Patty Hill. Fillimisht titulli i këngës ishte “Good Morning To All” (Mirëmëngjes të gjithë). Kjo çështje prej tre vitesh vijon të jetë një betejë ligjore. /tesheshi.com/
