Varri i Jezu Krishtit, i vendosur në Kishën e Varrit të Shenjtë në Jerusalem, është mbrojtur prej shekujsh nga një strukturë metalike që mban nën presion blloqet e mermerit, duke i penguar ato të shpërbëhen për shkak të motit dhe pelegrinëve.
Gjashtë vjet më parë, varri u hap për shkencëtarët për herë të parë në më shumë se dy shekuj, duke zbuluar detaje të reja për këtë vend të shenjtë.
Komunitetet e krishtera në Tokën e Shenjtë filluan restaurimin e varrit të Jezusit të dëmtuar rëndë disa muaj përpara hapjes së tij. Besohet se trupi i Jezu Krishtit u vendos në vitin 33 nën shkëmbin në këtë shenjtërore.
Pllaka e mermerit që mbulonte varrin u hoq për tre ditë për restaurim dhe analizë arkeologjike, hera e parë që nga të paktën 1810, kur punimet u kryen për herë të fundit pas një zjarri në bazilikë. “Ndoshta ishte më parë,” tha At Samuel Aghoyan i Kishës Armene.
Analiza dhe zbulime arkeologjike
Ekspertët grekë ishin përgjegjës për restaurimin dhe i gjithë procesi u dokumentua nga National Geographic për qëllime të xhirimit të një filmi dokumentar. Pretendohet se një imazh i Jezusit mund të shihet në një pjesë të ngushtë të hapësirës poshtë pllakës së hequr dhe materiale të shumta u gjetën dhe u dërguan për analiza të mëtejshme të detajuara.
“Hapja e varrit do t’u japë ekspertëve një mundësi unike për të ekzaminuar themelet origjinale të vendit më të shenjtë të krishterimit,” vunë në dukje arkeologët në media në atë kohë dhe pamjet u publikuan në National Geographic në 2016.
“M’u këputën gjunjët”
Puna u financua nga tre besimet kryesore të krishtera që menaxhojnë Bazilikën e Varrit të Shenjtë: Katolikët, Ortodoksët dhe të Krishterët armenë. “Më duhet të pranoj se gjunjët e mi u këputën kur pllaka u zhvendos,” tha në atë kohë Fred Hibbert, arkeologu rezident i National Geographic.
Kjo hapje dhe restaurim historik i varrit të Jezu Krishtit jo vetëm që kontribuoi në ruajtjen e vendit të shenjtë, por gjithashtu dha të dhëna të vlefshme arkeologjike që do të pasurojnë më tej kuptimin tonë për historinë dhe rëndësinë e këtij vendi të shenjtë, komentuan disa media.
Nga ana tjetër, në besimin Islam, Jezui ose Isai nuk është kryqëzuar, por në tentativën për ta kryqëzuar, Zoti e ka ngjitur sipër dhe në vend të tij është vendosur Judë tradhëtari. Sipas këtij besimi, Jezui do rikthehet në tokë para fundit të kësaj bote, duke ftuar në Islam dhe duke ndërruar jetë si musliman. /tesheshi.com/
