Kryeministri Rama po e shfrytëzon fort kapjen e mbi gjysëm ton kokainë, edhe për t’i lëshuar ca sinjale Brukselit: e para se droga ka kaluar dhe nëpërmjet saj – pra vendeve të BE-së – dhe e dyta se kapja e kasaj sasie në Shqipëri është dhe një shenjë se ajo po plotëson kushtet për hapjen e negociatave.
“…ka një mirëkuptim të gjerë lidhur me hapat e rëndësishëm që ka bërë Shqipëria dhe mbase vlen të nënvizohet në fund se edhe operacioni më i fundit nga agjensitë tona ligjzbatuese, hetimi doganor dhe policia e shtetit me mbështetjen e prokurorisë pati një jehonë shumë pozitive dhe u vlerësua me pozitivitet maksimal duke pasur parasysh se ngarkesa e kapur përbën jo vetëm një sasi që është më e madhja e kapur ndonjëherë prej nesh por një sasi që përpara sesa të vijë në vendin tonë ka kaluar në portet e BE dhe faktikisht u ka shpëtuar kontrolleve”, deklaroi Rama nga Sofja, ku ndodhet për samitin e rëndësishëm europian që do zhvillohet aty. /tesheshi.com/
