Zëvendës-presidenti amerikan, Mike Pence ka shmangur një darkë në të cilën duhej të ishte në të njëjtën tryezë me kreun ceremonial të shtetit të Koresë së Veriut, Kim Yong-nam.
Pence raportohet se e takoi shkurt Kim, por ata u përpoqën të shmangin përballjen direkte me njëri-tjetrin, njoftoi agjencia e lajmeve, Yonhap.
Ndërkaq, presidenti koreano-jugor, Moon Jae-in shtrëngoi dorën me motrën e liderit të Penianit, në ceremoninë e hapjes së Lojërave Olimpike Dimërore.
Lojërat mbahen mes tensioneve në rritje në lidhje me programin bërthamor të Koresë së Veriut. Numri dy i Shtëpisë së Bardhë, ka sjellë në Korenë e Jugut si të ftuar babain e një ushtari të ri amerikan që vdiq pasi u lirua nga burgu në Korenë e Veriut.
Nga ana e saj, të enjten, Koreja e Veriut mbajti një paradë ushtarake që ishte skeduluar për në prill, por që u zhvillua më përpara, dukshëm si demostrim force përpara Lojërave Olimpike. /tesheshi.com/
