Ish-lideri kuban, Fidel Castro publikoi një letër të hapur për kombin në të cilën “tallet” me amerikanët, duke mos bërë asnjë përmendje të hapjes historike të ambasadës amerikane, e cila pritet të ndodhë sot në një ceremoni ku merr pjesë edhe sekretari amerikan i Shtetit, John Kerry.
Në vend të këtyre lustrave, Castro kritikon të huajt amerikanë dhe politikat e tyre ekonomike që nga Lufta e Dytë Botërore duke akuzuar Shtetet e Bashkuara se i kanë borxh Kubës me miliona dollarë.
Letra u publikua në 89 vjetorin e lindjes së liderit komunist të vendit.
Castro thotë se Shtetet eBAshkuara i kanë para borxh Kubës për shkak të embargos tregtare që e quan një bllokadë e që ka dëmtuar rëndë ekonominë kubaneze.
Në letrën e ditëlindjes, Castro thotë se Kuba ëstë e angazhuar për paqe por shton se “ne nuk do të ndalemi kurrë së luftuari për paqe dhe mirëqënie të të gjitha qënieve njerëzore, pavarësisht ngjyrës së lëkurës dhe kombësisë së tyre”.
Fidel Castro udhëhoqi vendin që nga Revolucioni Kuban në vitin 1959 deri në vitin 2006 kur u tërhoq për shkak të problemeve shëndetësore, duke ia kaluar drejtimin vëllait të tij, Raul Castro. /tesheshi.com/
