Arkivi Shtetëror kujton hapjen e ambasadës amerikane në Tiranë pas rënies së regjimit komunist, ku njeriu i parë që përfaqësonte SHBA-në në Shqipëri ishte ai që sot e përfaqëson atë në Serbi.
Dhe jo vetëm kaq. E para kërkesë nga Tirana drejt Uashingtonit ishte një ankesë për sjelljen serbe në Kosovë.
Ja ç’shkruan Arkivi:
“Si sot, më 1 tetor 1991, u hap në Tiranë ambasada e Shteteve të Bashkuara të Amerikës.
Në cilësinë e të Ngarkuarit me Punë ‘ad interim’ ishte Kristofer Hill. Ky i fundit u pasua nga ambasadori William Edwin Rayerson, i cili ia paraqiti kredencialet e tij qeverisë shqiptare më 21 dhjetor 1991.
Tri muaj më pas, sekretari amerikan i shtetit, James Baker, vizitoi Shqipërinë.
Dokumenti bashkëngjitur paraqet një letër të z. Tahir Kërrnaja dërguar në adresë të Baker-it, duke kërkuar vëmendjen e tij mbi trajtimin çnjerëzor të shqiptarëve nga Kosova nga qeveria serbe.
Ndërsa, marrëdhëniet mes Shqipërisë dhe Washington-it zyrtar u rivendosën pas një shkëputjeje 52-vjeçare të vendit tonë prej perëndimit, nëpërmjet nënshkrimit të Memorandumit të Mirëkuptimit, që parashihte çeljen e ambasadës shqiptare përtej Atlantikut. Për këtë arsye, në organikën e Ministrisë së Punëve të Jashtme shtoheshin 5 punonjës, një ambasador i jashtëzakonshëm dhe fuqiplotë, dy diplomatë dhe dy punonjës teknikë (shifranti dhe shoferi). Shpenzimet e nevojshme prej 270 mijë dollarësh për hapjen dhe funksionimin e ambasadës dhe për pajisjen e saj me autovetura dhe me orendi të ndryshme, duheshin përballuar brenda planit të miratuar për vitin 1991 (lexo dokumentin)”. /tesheshi.com/
