1 mijë e 157 vite pas themelimit, biblioteka më e vjetër në botë përfundimisht është rinovuar dhe ka nisur të presë pritur vizitorët e saj, që po dynden të shohin mrekullitë e fjalës së shkruar që ndodhen brenda.
E vendosur në qytetin maroken Fez, biblioteka e Al-Qarawiyyin është pjesë e universitetit më të vjetër në botë, të hapur në vitin 859.
Biblioteka edhe më herët ka ndryshuar pamjen, por arkitektja kanadeze-marokene Aziza Chaouni ka vendosur t’i japë një fytyrë krejtësisht të re.
Për ta prezentuar këtë risi, universiteti ka hapur bibliotekën edhe për publikun, pasi ka qenë e rezervuar vetëm për akademikë dhe teologë, shkruan Techinsider.
Diploma e themelueses së Universiteti El-Fihrya, e gravuar në dru
Sot, në saje të rinovimit 4-vjeçar nga ana e arkitektes Aziza Chaouni, pjesë interesante e bibliotekës janë edhe edhe fontanat e rregulluara, si dhe veprat e shkruara fetare në pamjen origjinale të rehabilituara.
Në pjesën e brendshme gjendet kombinim i mozaikëve mahnitës tepër të komplikuar dhe harqeve me ngjyrë të bardhë të zymtë.
Sigurisht që biblioteka më e vjetër në botë ka nevojë për një dhomë të dedikuar vetëm për lexim.
Bibioteka e Al-Qarawiyyin është shtëpi e rreth 4 mijë dorëshkrimeve. Ka kopje të Kur`anit që datojnë nga shekulli i nëntë, me kaligrafi Kufi që është më e vjetra arabe, si dhe të dhëna shumë të vjetra të jetës së Profetit Muhamed.
Abdelfattah Bougchouf është kurator i koleksioneve mbresëlënëse. Përgjegjësia e tij është që të sigurohet që librat të kenë një kujdes dhe trajtim të veçantë.
Një prej këtyre librave është “Muqadimmah”, një tekst i cili daton nga shekulli 14-të, nga historiani verio-afrikan Ibn Khaldun.
Një tjetër është dorëshkrimi origjinal, në të cilin është i detajuar sistemi i lashtë juridik i Islamit, i shkruar në kaligrafi.
Por, mbase vepra më e vlefshme e bibliotekës është kopja e Kur’anit që daton nga shekulli i 9-të, në lidhjen dhe kopertinën e saj origjinale. Është vepra më e vjetër në gjithë koleksionin.
Vetëm një muaj pasi u hap për publikun, vizitorë nga e gjithë bota tashmë tubohen për parë këtë pjesë të historisë.
