Lojërat Ushtarake Ndërkombëtare 2019, një nga garat më të mëdha sportive ushtarake, u hapën në Patriot Park, afër Moskës.
Ceremonia u hap nga ministri i Mbrojtjes i Federatës Ruse dhe gjenerali i ushtrisë. Sergei Shoigu.
Lojërat e këtij viti janë planifikuar për 32 gara tokësore, ajrore dhe detare, të cilat do të zhvillohen në 21 poligone në territorin e 10 vendeve. (Rusia, Bjellorusia, Kina, India, Uzbekistani, Kazakistani, Azerbajxhani, Irani, Armenia, Mongolia).
Më shumë se 5,000 ushtarë, 223 ekipe nga 39 vende, do të garojnë. Pjesëmarrëse nga Ballkani janë vetëm anëtarët e Forcave të Armatosura Serbe, si dhe ato Sllovene, por vetëm me statusin e vëzhguesit.
Lojërat zhvillohen nga 3 gusht deri në 17 gusht, dhe njihen ndryshe si Lojërat Olimpike të Luftës, të organizuara për të pestin vit nga Ministria e Mbrojtjes Ruse.
Presidenti rus Vladimir Putin u bëri thirrje pjesëmarrësve të përdorin këtë konkurs për të forcuar, siç tha, “partneritete konstruktive që ofrojnë siguri në vendet pjesëmarrëse”. /tesheshi.com/
