Pas 25 vitesh heshtjeje të auroriteteve shqiptare lidhur me ngjarjen e Peshkëpisë, fshat shqiptar përballë Bularatit minoritar në jug të Gjirokastrës në kufi me Greqinë, është hapur dosja e atij krimi që u morri jetën dy oficerëve shqiptarë, Fatmir Shehu dhe Arsen Gjini. Ishte një komando greke ajo që sulmoi në mesnatë repartin ushtarak shqiptar në kufi me fqinjin jugor, ngjarja e ndodhur më 10 prill 1994.
Dhe së fundi, Fredi Bejleri, një shtetas himariot që nuk është trazuar fare gjatë këtyre viteve, është thirrur të dëshmojë te Krimet e Rënda. Kjo pasi ai flitet që të ketë qenë një prej komandove, atëherë 23 vjeç. Ndërsa në vitin 2015 kandidoi për Bashkinë e Himarës nga PBDNJ, pavarësisht se nuk fitoi. Ditë më parë kërkoi të rikandidonte, por KQZ e rrëzoi pikërisht për dosjen “Pëshkëpia”.
Ja shtetasit e asaj komandoje fatkeqe, të listuar nga gazetari Artan Hoxha:
-Jorgo Anastasulis, 34 vjeç, oficer i ushtrisë greke me gradën toger.
-Apostolos Karvelas, 26 vjeç, punonjës i policisë greke.
-Mario Kutulla, 25 vjeç, shtetas shqiptar nga Himara, banues në Athinë, punëtor.
-Fredi Bejleri, asokohe 23 vjeç, shqiptar nga Himara, banues në Athinë, me profesion hidraulik.
-Jorgo Kristo, 26 vjeç, shtetas shqiptar nga Himara, banues në Athinë.
-Harallamb Papa, 21 vjeç, shtetas shqiptar, banues në Athinë, punëtor ngarkim – shkarkimi.
-Jorgo Papa, 30 vjeç me profesion teknik frigoriferësh, vëllai i Harallamb Papas. /tesheshi.com/
