Nga kjo e martë, banorët e kryeqytetit do të kenë në funksion bulevardin e ri të Tiranës. Më saktë, qytetarët dhe shoferët do të mund të përdorin segmentin e parë perh 400 metrash në bulevardin e ri, si dhe parkingu i dytë nëntokësor, me 328 vendparkime. Bulevardi i ri ka një gjerësi prej 70 metrash.
Ky segment i parë hapet pasi shërben për futjen dhe daljen e makinave nga parkingu, ndërkohë që po punohet në mënyrë intensive edhe për pjesën e dytë.
Puna në bulevardin e ri do të vazhdojë ndërtimin e 1200 metrave të hapur. Pas një procesi të dytë shpronësimesh, zgjatimi do të shkojë deri tek lumi i Tiranës. Ndërkohë, vija e parë përgjatë dy krahëve të bulevardit tashmë është e prenotuar tërësisht nga sipërmarrës privat, biznese dhe ambasada të huaja. 800 euro ka shkuar metri katror i truallit.
Sipas planit të studios Grimshow, kjo zonë në veri të Tiranës do të ketë ndërtimet më të larta në kryeqytet. I gjithë bulevardi është parashikuar të ketë një gjatësi prej 1.9 km , me një kosto prej 27 milion euro.
Ndërkohë që për 400 metrat e parë, përfshirë dhe parkingun, janë shpenzuar rreth 7 milionë euro. /tesheshi.com/
