Gruaja që humbi këmbën kur ajo u kap në një vendkalim në lëvizje në aeroportin e Bangkok në Tajlandë, po hedh hapat e saj të parë.
Nëna 57-vjeçare, këmba e së cilës u shtyp nga një pistë me defekt në aeroport, ka hedhur hapat e saj të parë që nga amputimi. Siç shihet edhe në videon përkatëse, gruaja ka ecur me ndihmën e dy fizioterapistëve.
Aksidenti i tmerrshëm ndodhi më 29 qershor dhe policia kërkon që drejtuesit e aeroportit tajlandez të bashkëpunojnë me autoritetet për hetimin.
Gruaja ishte duke ecur përgjatë pistës kur këmba e saj “ra në një hendek” dhe ajo u tërhoq zvarrë poshtë, duke i prerë muskujt, tendinat dhe kockat, thanë dëshmitarët.
Mjekët ndihmës ia amputuan këmbën në aeroport dhe e bartën me barelë ndërsa gjymtyra e saj u vendos në një kuti dhe e futën në një ambulancë.
Djali i saj tha se ishte “si një fëmijë që mëson të ecë përsëri” dhe është zotuar të padisë aeroportin për konstruksionin e mirëmbajtur keq.
Ai shtoi: “Mamaja ime ecën për 15 minuta çdo ditë duke u ushtruar. Është shumë inkurajuese. Ajo është ende e bukur si kurrë, pavarësisht asaj që ka ndodhur. Shpresoj që së shpejti të vrapojë më shpejt se unë”.
Menaxhmenti i aeroportit pranoi se pista automatike e përdorur nga dhjetëra mijëra njerëz çdo ditë u defektua kur tre vida që mbanin pllakën e sipërfaqes metalike në të cilën qëndronte gruaja, papritmas u ç’aktivizuan.
Megjithatë, kreu i departamentit të policisë së qarkut tha se pronarët e aeroportit nuk kishin dorëzuar ende provat të incidentit.
Stafi i Aeroportit Ndërkombëtar mbylli të 20 pistat automatike pas incidentit. Edhe aeroportet e tjera të vendit kanë nisur kontrollet nga frika e aksidenteve të ngjashme.
Megjithatë, kjo nuk është hera e parë që ndodh diçka e tillë, transmeton raporti i Daily Mail.
Një incident i ngjashëm ndodhi në vitin 2019, kur këpuca e një pasagjeri ngeci në një vendkalim në lëvizje në të njëjtin aeroport. Viktima ka deklaruar se nëse nuk do ta hiqte në kohë këpucën, do t’i ishte prerë këmba.
Pas aksidentit të fundit, persona të tjerë dolën me ankesa të ngjashme. /tesheshi.com/
