Rreth 50 mijë persona në Hanover do të evakuuohen nga shtëpitë e tyre për shkak se ekspertët do të ç’aktivizojnë pesë bomba nga lufta e dytë Botërore. Operacioni është i dyti më i madh në Gjermani, dhe do të prekë rreth një të dhjetën e popullsisë së qytetit.
Ndërtesat që do të zbrazen nga banorët përfshijnë edhe shtatë shtëpi përkujdesi, një klinikë dhe një uzinë gomash. Zyrtarët shpresojnë që banorët të jenë në gjendje të rikthehen në shtëpitë e tyre deri në mbrëmje.
Bashkia e Hanoverit ka organizuar programe ditore me vizita në muzeume, filma për fëmijë dhe sport që të mbështesin njerëzit e evakuuar të kalojnë ditën sa më këndshëm të munden.
Për ta janë përgatitur edhe mijëra porcione ushqimore.
Avionët e aleatëve kryen bombardime të rënda në Hanover gjatë luftës së dytë botërore, duke vrarë me mijëra dhe duke shkatërruar pjesën më të madhe të qytetit. Evakuuimi më i madh për shkak të këtyre bombave të mbetura në qytet, ndodhi në ditën e Krishtlindjeve vitin e kaluar. Rreth 54 mijë njerëz u evakuuan pas gjetjes së një bombe që peshonte 3.8 tonë gjatë punimeve në një ndërtesë. /tesheshi.com/
