Kampioni i botës ka qenë i papërmbajtshëm në provat zyrtare të Çmimit të Madh të Italisë, duke i dalë i pari, i parivalizueshëm nga askush.
Ky ishte i treti vit radhazi që Lewis Hamilton i dominon provat zyrtare në garën e Monzës. Shoku i tij i skuadrës, e përndryshe dhe rivali kryesor, Nico Rosberg u rendit i dyti, me një kohë thuajse gjysmë sekonde më të lartë.
Kanë ardhur pas dy Mercedes-ëve pilotët e Ferrari-t, përkatësisht Vettel e Raikkonen.
Valtteri Bottas zuri vendin e pestë në provat zyrtare, duke i lënë pas Ricciardo-n e Verstappen-in e Red Bull-it.
Sergio Perez, Nico Hulkenberg dhe Esteban Gutierrez plotësuan dhjetëshen e parë në nisje të dielën.
Mercedes-i u paraqit mjaft mirë në prova, por nuk pritej një diferencë kaq e madhe me skuadrat e tjera. Hamilton-in dhe Rosberg-un i ndajnë vetëm nëntë pikë në dy vendet e para në renditjen e pilotëve, çka e bën mjaft interesante garën e nesërme. /tesheshi.com/
