Luis Hamilton fiton edhe në Monza dhe Formula 1 ka një lider të ri në klasifikimin e pilotëve. Britaniku u nis i pari në cirkuitin italian, e pasi theu rekordin e Shumaker me 69 pole-position, e përfundoi garën në krye, duke mos i dhënë shanse njeriu t’i afrohej.
Në vendin e dytë u rendit piloti tjetër i Mercedes, Valeri Botas, ndërsa me “zor” arriti të përfundojë garën në vendin e tretë, Sebastian Vettel i Ferrarit.
Hamilton me këtë fitore kapërcen në renditje Vettel dhe “lëshohet” drejt titullit kampion. Ndërsa përsa u përket makinave, historia është e mbyllur, pasi Mercedes është “arratisur” në renditje. /tesheshi.com/
