Hamasi tregoi se është i hapur për të arritur një marrëveshje armëpushimi me Izraelin, por nuk e pranoi propozimin e mbështetur nga presidenti Trump, duke theksuar se çdo marrëveshje duhet të nënkuptojë fundin e luftës në Gaza, raportoi AP.
Trump më parë tha se Izraeli kishte rënë dakord me kushtet për një armëpushim 60-ditor në Gaza dhe i kërkoi Hamasit të pranonte marrëveshjen përpara se kushtet të përkeqësoheshin.
Presidenti i SHBA-së pretendon ka rritur presionin mbi Izraelin dhe Hamasin për të arritur një marrëveshje për një armëpushim dhe për t’i dhënë fund luftës.
Sipas deklaratës së Trump-it, periudha 60-ditore do të përdoret për të arritur një përfundim të luftës, të cilin Izraeli e refuzon derisa Hamasi të mposhtet.
Megjithatë, Hamasi theksoi se është gati të pranojë çdo marrëveshje që çon qartë në një përfundim të plotë të luftës.
Një zyrtar i Hamasit, Taher al-Nunu, tha se Hamasi është serioz në lidhje me arritjen e një marrëveshjeje.
Sipas burimeve egjiptiane, një delegacion i Hamasit u takua me ndërmjetësuesit egjiptianë dhe katarianë në Kajro për të diskutuar propozimin.
Zyrtarët thanë se propozimi i fundit përfshinte një marrëveshje 60-ditore që do të tërhiqte pjesërisht trupat izraelite nga Gaza dhe do të rriste ndihmën humanitare.
Megjithatë, Izraeli nuk është zotuar të negociojë përfundimin e luftës sipas propozimit të fundit.
Nuk ishte e qartë se sa pengje do të liroheshin, por bisedimet e mëparshme kishin përmendur rreth dhjetë.
Izraeli ende nuk ka komentuar publikisht mbi njoftimin e Trump-it.
Trump shkroi në Truth Social se Izraeli kishte rënë dakord me kushtet e nevojshme për finalizimin e një armëpushimi, ndërsa i kërkoi Hamasit të pranonte marrëveshjen, duke paralajmëruar se refuzimi do të çonte në një përkeqësim të situatës. /tesheshi.com/
