Qendra e Shkupit nuk është e pëlqyeshme vetëm nga njerëzit, por edhe nga qentë. Po bëre një xhiro në sheshin “Maqedonia”, mund të shohësh dhjetëra qen që sillen vërdallë. Të pastrehë, të pavaksinuar, në kërkim të ushqimit, shpesh sulmojnë qytetarët.
Problemi me qentë endacakë nuk është vetëm në Shkup, por edhe në qytete tjera të Maqedonisë. Posaçërisht gjendja alarmante është në Tetovë. Shumë qytetarë ankohen për këtë problem dhe kërkojnë që të gjendet një zgjidhje.
“Po pengojnë sigurisht, kuptohet duhet të merret ndonjë masë. Kam qenë sulmuar nga qentë, por fatmirësisht isha në vendin ku qëndrojnë taksitë dhe ata më shpëtuan përndryshe nuk e din kur do të sulmojnë. Ka shumë dhe duhet të ndërmerret diçka, ky problem zgjat me vite”, tha një qytetar.
“Po disa here kanë vrapuar pas meje por unë nuk iki. Duhet të ndalesh që mos të sulmojnë. Kështu duhet të dinë dhe tjerët. Mendoj që duhet të largohen qentë. Është keq që këto qen i ruajnë njëherë dhe në këtë periudhë i lëshojnë dhe kjo mendo është një e keqe që u bëhet kafshëve”, u shpreh qytetari.
Shërbimi për trajtim njerëzor të kafshëve të pastreha pranë NP Higjiena Komunale – Shkup në bashkëpunim me Qytetin e Shkupit po përgatit projektin për trajtimin e qenve të pastrehë ku mundësohet vaksinimi dhe shërbime tjera për qentë.
“Qentë mblidhen nga ana e shërbimit të trajnuar për kontrolle humane dhe të gjithë transportohen në stacionin e Vardaries i cili ka kapacitet rreth 100 kafshë. Në dy vitet e fundit është futur procedurë për analizimin e sëmundjes llajz menioza. Pas marrjes së rezultateve për praninë e kësaj sëmundjeje, qentë e shëndoshë i nënshtrohen tretmanit për sterilizim, pastrohen nga parazitët e jashtëm dhe të brendshëm, vaksinohen nga tërbimi dhe në qendër mbahen rreth dhjetë ditë me mundësi që gjatë asaj periudhe të adaptohen”, tha Ana Maria, nga Higjiena komunale.
Nga qendra për humanitet dhe luftë kundër dhunës ndaj kafshëve “Anima Mund”, thonë se numri i qenve endacakw është shumë shqetësues dhe se duhen të merren masa rreth shumimit të pakontrolluar të tyre. “Kishte një përpjekje nga agjencia për ushqim dhe veterinari në vitin 2012 për regjistrimin e qenve endacak dhe doli me shifrën 2500 qen në qytetin e Shkupit. Ne vlerësojmë se ai numër është edhe më i madh dhe se arrin shifrën 10 mijë. Ne rekomandojmë masa humane në fakt vaksinim dhe sterilizim që të parandalohet shumimi i tyre dhe rekomandojmë adoptim të tyrin nga ana e njerëzve, domethënë në këtë mënyrë do të ulet numri i tyre”, tha Radmilla Pesheva.
Përgatiti: Miradie Hasani – /tesheshi.com/
