Një grup prej të paktën tetë personash të veshur si anëtarë të Ku Klux Klan, u shfaqën para godinës së një Qendre Islame në Irlandën e Veriut.
Foto e postuar në rrjetet sociale tregojnë grupin, anëtarë të të cilit mbajnë dhe kryqe në qafë, në afërsi të qendrës në Neëtoënards, në lindje të kryeqytetit Belfast.
Kujtojmë se një kokë derri u la para kësaj qendre në gusht të vitit të kaluar, sipas mediave britanike.
“Ne po e trajtojmë këtë si një krim të urrejtjes”, tha inspektori policor Richard Murray.
Ku Klux Klan është një grup i bardhë supremacist i themeluar në shekullin e ’19-të në Shtetet e Bashkuara.
Njerëz me veshje Halloween-i u shfaqen dhe në një pub me Sharon Mellor, të dashurën e Tony Martin, udhëheqës i grupit të ekstremit të djathtë Fronti Kombëtar, njoftuan mediat vendase.
Ato publikuan një fototë Mellor me një person të veshur në kostum e Ku Klux Klan dhe të spërkatur me gjak.
Ajo u tha gazetarëve se njerëzit ishin “kalimtarë të rastësishëm”, por mediat kujtuan se tre vjet më parë, Mellor u përpoq t’i vërë zjarrin një qendre islame në qytet, duke pretenduar më pas se po bënte shaka. /tesheshi.com/
