Prishtina u dëmtua mbrëmë nga festimet e Halloween-it, ku nata ka kaluar me incidente.
Të paktën një autobus i trafikut urban është dëmtuar, pasi fëmijë të “xhindosur” gjuajtën në drejtim të tij duke ia thyer xhamat dhe duke e lënë jashtë funksionit.
Kjo pati si pasojë ndërprerjen e qarkullimit të linjës gjatë darkës.
“Me keqardhje i informojmë qytetarët se për shkak të sulmeve me gurë dhe sjelljeve vandale nga disa grupe te rinjsh, u detyruam të ndërpritet qarkullimi në ora 21:15, në mënyrë që të evitohet dëmtimi i autobusëve të ndërmarrjes”, thuhet në njoftimin e shërbyesit publik.
Kujtojmë se incidentet që ndodhin me rastin e së ashtuquajturës “festë e shtrigave” janë të shpeshta, dhe në shumë shtete, incidentet kalojnë në fatalitet. /tesheshi.com/
