Autoritetet portugeze kanë kërkuar ndihmë nga Brukseli zyrtar për sektorin e bujqësisë, për shkak të thatësirës që është përhapur pothuajse në të gjithë pjesën tokësore të atij vendi pireneas, raporton Reuters.
Ministrja e Bujqësisë Maria do Ceu Antunes tha se moti i thatë po prek bujqësinë dhe rezervuarët e ujit, prandaj ajo i kërkoi Komisionit Evropian të trajtojë problemin dhe t’i japë mbështetje Portugalisë.
Agjencia meteorologjike IPMA njoftoi më parë se moti jashtëzakonisht i ngrohtë dhe i thatë u regjistrua në Portugali gjatë muajit prill dhe deri më tani 90 për qind e territorit të vendit është prekur nga thatësira.
Thatësira e madhe ka prekur një të pestën e territorit të Portugalisë, dy herë më shumë se në mars dhe pothuajse pesë herë më shumë se një vit më parë.
Rajonet verilindore dhe jugore janë goditur veçanërisht rëndë, tha agjencia meteorologjike, raporton Reuters. /tesheshi.com/
