Kancelarja gjermane, Angela Merkel ka mohuar mundësinë që Gjermania të bojkotojë Botërorin e Rusisë, me qëllim që të tregojë solidaritet me Britaninë e Madhe për helmimin e spiunit rus.
Merkel tha se reagimi i Bashkimit Evropian ndaj sulmit për të cilin Londra fajëson Rusinë, ka gjasa të diskutohet në një takim të udhëheqësve të bllokut javën e ardhshme në Bruksel.
Merkel tha se më i rëndësishme është që po kryhet një hetim, por për bojkot të Kupës së Botës as që bëhet fjalë.
Situata është bërë vërtet ironike për Londrën. Pas Brex-it, tashmë ajo ka mbetur pa përkrahjen e mjaftueshme përballë një provokimi që i ka bërë Rusia.
Dhe kjo ndodh ndërsa përflitet se dalja e saj prej BE-së, u bë dhe nën influencën e Moskës. /tesheshi.com/
