Në një postim në Facebook, analisti, Halil Matoshi deklaron se e përkrah thirrjen e Lëvizjes Vetëvendosje për demonstrata. Ai thotë se lufta në Kumanovë ishte pa krye dhe pa qëllim të qartë, grupet misterioze rebele nuk i ndihmojnë zgjidhjes se problemit të shqiptarëve në FYROM.
Ja postimi i potë i analistit Halil Matoshi:
Sot jam me Lëvizjen Vetëvendosje!
“Shqiptarët duhet të ngrihen në demonstrata qytetare dhe të kërkojnë largimin e Gruevskit. Këto demonstrata duhet të mbahen në Shkup. Qendra politike e shqiptarëve është Shkupi. Gruevski rrëzohet në Shkup e jo në lagje e fshtara të Kumanovës.” – thërret VV.
P.S.
“Lufta” në Kumanovë ishte pa krye dhe pa qëllim të qartë, grupet misterioze rebele nuk i ndihmojnë zgjidhjes se problemit të shqiptarëve në FYROM.
Të shtënat në Kumanovë po e shpëtojnë Qeverinv e Gruevskit dhe Ahmetit, prandej shqiptar kujdes! Bashkimi me qytetarinë aktive maqedonase kundër Qeverisë është rruga e vetme e drejtë! secili plumb i shkrepur aktualisht dëmton jo vetëm pozitën e shqiptarëve në FYROM por edhe REpublikën e Kosovës.
Prandej, jam me VV-në!!!
Sa i përket Republikës së Shqipërisë – e lini të qetë – boll i ka dfidat e veta transicionale – me u ba shtet modern dhe me iu bashkue BE-së.
Vetëm kjo Shqipni u duhet shqiptarëve!
