Siria është zhytur në një luftë të tmerrshme që nga viti 2011, kur për herë të parë qytetarët sirianë dolën në rrugë, duke bërë thirrje për dorëheqjen e presidentit Bashar Al-Assad.
Në vitin 2012, u zhvilluan luftime të ashpra midis forcave të Asadit dhe grupeve të armatosura opozitare në qytetin sirian të Halepit. Një kohë zonë e Trashëgimisë Botërore të UNESCO-s, qyteti, një pjesë e tij, tashmë prej asaj kohe është shndërruar në rrënoja.
Pjesa lindore e mbajtur nga ana e opozitës, e rrethuar nga qeveria siriane dhe e Rusisë, është bërë prej kohësh një skenë e përleshjeve të ashpra dhe sulmeve ajrore ushtarake, duke prodhuar një krizë humanitare që ka tërhequr vëmendjen dhe prezencën e fuqive globale dhe rajonale.
Pronari i një restoranti, Carlo Ohanian i lindur në Halepin lindor, ka kapur përmes lentess së kameras së tij dëmtimet që ka pësuar qyteti historik gjatë gati gjashtë viteve të luftës brutale, në një seri fotosh të cilat ai i ka publikuar në mediat sociale.
“Sot, çdo gjë është një makth”, thotë Ohanian.
Shumë prej strukturave të vjetra të qytetit historik dhe monumentet me famë botërore janë shkatërruar. Minarja e shekullit të 11-të në xhaminë Umajade u shkatërrua gjithashtu. Kalaja e qytetit të lashtë, një nga më të vjetrat dhe më e mëdhatë në botë, ka pësuar dëme të konsiderueshme. Tregjet e lashta tregtare, gjithashtu janë djegur dhe shkatërruar.
