Edhe pse është gjetur një arsye proceduriale, qeveria e Kosovës ka vendosur mos t’i ngrejë traun presidentit serb, Tomislav Nikoliç, i cili të premten do udhëtonte për në Shtërpce për të kremuar Krishtlindjet, gjë e cila ngjan si një mënyrë për t’u hakmarrë ndaj arrestimit të kreut të AAK-së, Ramush Haradinaj. Sipas deklaratës së qeverisë Mustafa, refuzimi vjen pas vonesës për të deponuar me kohë kërkesën për vizitë në Kosovë ashtu siç parashihet me marrëveshjen për lejimin e vizitave të zyrtarëve të lartë ndërmjet dy shteteve.
Por ndërkohë, qeveria e Kosovës shprehet se “konsideron që sjelljet e fundit të Serbisë dhe deklaratat e njëpasnjëshme janë kundër frymës së bashkëpunimit ndërshtetëror dhe të arriturave të dialogut për të ndërtuar ura të shëndosha bashkëpunimi në mes dy shteteve dhe popujve.
Po ashtu, thuhet në deklaratë, ato janë kundër interesit të qytetarëve serbë të Kosovës të cilët kanë vendosur të jetojnë në Kosovë. /tesheshi.com/
