Një anije luftarake ruse ka hapur zjarr ndaj një mjeti peshkimi turk në veri të detit Egje, 12 milje larg ishullit grek Lemnos. Sipas deklaratave të Ministrisë së Mbrojtjes ruse, anija turke po udhëtonte pa ndalur dhe rrezikonte të shkaktonte një përplasje të mundshme me anijen luftarake ruse, gjithashtu nuk iu përgjigj thirrjeve të kësaj të fundit për të ndërruar kurs lundrimi.
Sipas raportimeve, mëngjesin e së dielës, personeli në bordin e anijes ruse pikasi anijen e peshkimit vetëm 1000 metra larg dhe, sipas versionit zyrtar rus, thirrjet në radio për të devijuar, thjesht u injoruan.
Vetëm 600 metra nga përplasja e mundshme, autoritetet ruse deklarojnë se kontigjenit i anijes luftarake hapi zjarr paralajmërues me armë krahu në drejtim të anijes turke por duke shmangur me qëllim viktima apo dëme të mundshme. Vetëm pak pas këtij paraljmërimi, anija e peshkimit vendosi të ndërronte kurs, por pa iu përgjigjur asnjë herë të vetme komunikimeve radio ruse.
Ky incident shënon dhe rastin e rradhës të tensionit mes Rusisë dhe Turqisë. Vetëm pak javë më parë një avion rus u godit dhe u rrëzua në Siri nga ana e Turqisë, duke ndezur një retorikë të ashpër dhe një sër masash ushtarake mes dy vendeve. /tesheshi.com/
