Ministri rus i Zhvillimit Ekonomik, Maxim Oreshkin njoftoi se Rusia do të futë taksa shtesë mbi importet e mallrave amerikane në kohën më të shkurtër, një lëvizje që vjen në kohën kur politikat Trump me reperkursione ndaj çelikut dhe aluminit europian, kanë sjell një çarje të madhe në aksin euroatlantik.
Dhe kjo është përgjigjja ndaj taksave amerikane për çelikun dhe aluminin e importuar, raporton TASS.
“Për shkak të zgjerimit të masave mbrojtëse të SHBA në lidhje me importet e çelikut dhe aluminit dhe refuzimit për të kompensuar humbjet ruse, Rusia përdor të drejtat e saj sipas rregullave të Organizatës Botërore të Tregtisë për të futur masa hakmarrëse mbi importet nga Shtetet e Bashkuara”, tha Oreshkin.
Sipas tij, do të merren masa për produktet që kanë ekuivalent në tregun rus dhe nuk do të ndikojnë negativisht në treguesit makroekonomikë. /tesheshi.com/
