Duket se Berlini zyrtar po e përjeton shumë rëndë sfidën që po i bën kreu i PD-së në Tiranë, ku përkthehet ajo ndaj reformës në drejtësi, një investim dhe gjerman. Pas deklaratës së fortë të ambasadorit ameerikan në Tiranë se zgjedhjet mund të bëhen dhe pa PD-në dhe se ato do të ishin legjitime dhe në këtë mënyrë, është ambasadorja gjermane që ka lëshuar një të ngjashme.
Ose më mirë të themi, më e qartë: Susanne Schutz ka përçuar sot mesazhin që vjen direkt nga qeveria e Angela Merkelit, e investuar fuqishëm për ta nxjerrë PD-në nga çadra me një tufë “dhuratash” politike, por pa sukses.
“Sikurse u konstatua dhe nga ministri Jashtëm federal, zoti Gabriel përpara dy javësh, ne shpresojmë shumë që zgjedhjet të mund të zhvillohen në datën që është dekretuar dhe nga presidenti i Republikës. Shpresojmë që në këtë proces të marrin pjesë sa më shumë parti politike që të jetë e mundur. Nëse Partia Demokratike dhe partitë e tjera opozitare vazhdojnë t’i mbeten qëndrimit të tyre për të mos marrë pjesë, ky do të jetë një vendim i trishtueshëm për ne. Por ne do t’i njohim këto zgjedhje”, deklaroi ambasadorja Schutz.
Kjo deklaratë publike bëhet ndërkohë që në takime të ambasadorëve të tjerë me politikanët shqiptarë theksohet nevoja e gjetjes së një zgjidhjeje për krizën. /tesheshi.com/
