Haki Çako deklaron përfundimin e superaksionit në Elbasan: do shtrihet në të gjitha qytetet kundër krimit
Drejtori i Përgjithshëm i Policisë së Shtetit, Haki Çako, ka deklaruar në përfundim të superaksionit në Elbasan, se të tilla operacione masive me pjesëmarrjen e policisë dhe forcave speciale, do të kryhen në të githa qytetet e vendit në ditët në vijim.
Sipas tij, fokusi i aksioneve të mëdha, është goditja e grupeve kriminale.
“Prej orëve të para të mëngjesit policia e Elbasanit, e mbështetur nga forcat speciale, kanë organizuar një operacion të gjerë, i cili konsiston në krontrollin, identifikimin e shoqërimin e personave me preçedent kriminalë, në mënyrë të veçantë të personave me precedentë kriminalë në zonën e Elbasanit, duke marrë shkas dhe ngjarjen e fundit të ndodhur”, tha Çako.
Ai foli gjithashtu dhe për Audin e blinduar, i cili goditi me forcë makinën e Policinë e Shtetit disa ditë më parë, teksa patrullat po kryenin një aksion.
Kreu i Policisë deklaroi se personi është identifikuar, por është rezervuar në dhënien e detajeve.
“Personi është identifikuar, të gjitha procedurat janë kryer, jemi në një proces intensiv bashkëpunimi me prokurorinë.
Janë shoqëruar një numër i konsiderueshëm njerëzish dhe do të shoqërohen të gjithë ata që dyshohet se janë pjesë e grupeve kriminale”, tha kreu i policisë. /tesheshi.com/
