Mbyllet papritur profili i ministrit të Drejtësisë, Ylli Manjani në facebook. Duke shfrytëzuar llogarinë tjetër në Twitter, ai ka bërë njoftimin gjatë paradites së sotme, pëmes një postimi, ku ngre akuza dhe dyshime se personat që i cilëson si “Katjushka”, kanë ndërhyrë, pasi kanë frikë nga fjala e tij e lirë.
“Katjushkat e fjalës së lirë i kanë shkruar Facebook për të më bllokuar kominikimin aty! O njerëz nuk i bllokohet fjala askujt sot!”, shkruan Manjani në rrjetin social Twitter.
Manjani ishte shumë aktiv në facebook, përmes të cilit reagonte për çeshtje të ndryshme. Një ditë më parë, ministri shkroi mbi disa fakte që kishin të bënin me dosjen hetimore të Kelmend Balilit, i cili akuzohet nga autoritetet greke, si baroni i drogës dhe “Eskobari i Ballkanit”. /tesheshi.com/
