Plaçkitjeve në Kosovë nuk po ju shpëtojnë as objektet fetare. Në Kosovë janë dhjetëra raste ku xhamitë dhe kishat janë vjedhur me qëllim marrjen nga aty të sendeve me vlerë.
Një rast i tillë ka ndodhur së fundmi edhe në xhaminë e fshatit Zabel i Ultë, Komuna e Drenasit.
Xhemati i kësaj xhamie, ditën e martë, kur ka shkuar për të falur namazin e sabahut, kanë vërejtur se mungon një pajisje elektrike, zmadhues i zërit në vlerë prej 600 euro. Rastin e vjedhjes e ka konfirmuar edhe Policia e Kosovës.
Ky nuk është rasti i vetëm i vjedhjes në këtë xhami, pasi në 3-4 vitet e fundit kanë ndodhur mbi dhjetëra raste të vjedhjes.
Edhe pse udhëheqësit e xhamisë kanë paraqitur në polici rastet e vjedhjeve, ata që po kryejnë këto veprime nuk janë gjetur e as pajisjet e vjedhura. /tesheshi.com/
