Natën e së premtes për të shtunën, në profilin e Instagram-it të Presidentit të SHBA-së Donald Trump dhe në profilin zyrtar të Shtëpisë së Bardhë u postua një foto që shkaktoi diskutime të nxehta.
Ajo tregon 78-vjeçarin Trump me rrobat e kreut të Kishës Katolike.
Vetëm pak ditë më parë, Trump iu përgjigj pyetjes së një gazetari: “Do të doja të isha Papa”. Tani njeriu më i fuqishëm në botë ka postuar një foto të vetes si Papë pa koment.
Duke komentuar mbi imazhin, i cili duket se është gjeneruar nga inteligjenca artificiale, përdoruesit e Instagramit shkruan: “Ti je Antikrishti”. Gjithashtu, dikush shkroi: “Je një turp për popullin amerikan”. Një person tjetër shtoi: “Sa herë që mendoj se nuk mund të bëhet më keq… ndodh.”
Shumë përdorues po e kritikojnë Donald Trump-in për postimin e fotos jo vetëm në profilin e tij privat, por edhe në faqen zyrtare të Instagramit të Shtëpisë së Bardhë (rezidenca zyrtare e presidentit të SHBA-së). “A është e mundur që e keni postuar këtë në faqen zyrtare të Shtëpisë së Bardhë”, “Mungesë respekti”, “Po e bëni veten budallenj”, “Po e turpëroni popullin amerikan”… këto janë vetëm disa nga komentet. Komentet negative të përdoruesve janë shumica absolute.
Papa Françesku vdiq të hënën e Pashkëve pas një sëmundjeje të gjatë, por papritur, në moshën 88 vjeç. Të gjithë kardinalët që nuk mbushën 80 vjeç një ditë para vdekjes së Papës zgjedhin në një konklavë pasardhësin e Papa Françeskut. Papa i ardhshëm mund të jetë vetëm njëri prej tyre – gjë që përjashton Donald Trump-in. /tesheshi.com/
