Pas mbledhjes së Këshillit Politik të mbledhur për listat, ku i pranishëm ishte dhe kryeministri Rama, jo ky fundit por znj.Hajdari, shprehu pakënaqësi me ish-eprorin e saj politik Basha, i cili vendosi të përfaqësohet me Gazmend Bardhin.
“Sot erdhi një person me zero vota për të mbrojtur zgjedhoren. Basha të vij të mbrojë demokratët…”, tha deputetja Hajdari.
Ndërsa Rama tha se më e rëndësishme se personi ishte çështja.
“Unë personalisht shoh se në këtë rast është shumë më e rëndësishme përmbajtja e çështjes se sa përmbajtja e delegacioneve. Është zgjedhje e opozitës jashtëparlamentare të përfaqësohet me këdo që dëshiron, mjafton që kush vjen këtu ka një mandat përfaqësimi të opozitës jashtëparlamentare, për mua nuk ka problem, është njësoj. S’ka asnjë dallim se është Bardhi apo Basha“, tha Rama.
Ndërsa vetë Bardhi tha pas takimit se atyre u intereson tashmë vetëm votimi i marrëveshjes së 5 qershorit – pra, pa hapjen e listave – dhe atë presin.
Një parti që firmos një marrëveshje duhet t’i qëndrojë. Ne nuk kemi kërkuar kohë, ne i kemi dhënë kohë kryeministrit që të na informojë zyrtarisht se kur do të kalojë për miratim pa ndryshime kodi që ne kemi bërë”, tha numri dy i PD. /tesheshi.com/
