Qindra emigrantë haitianë, por edhe të tjerë, hispanikë dhe afrikanë, kanë protestuar në sheshin kryesor të Nju Jorkut Time Square kundër ofendimeve që Donald Trump u bëri disa vendeve të pazhvilluara duke i quajtur “shtete qenef”.
Në këtë manifestim ka marrë pjesë edhe kryebashkiaku i Nju Jorkut, Bill de Blasio, si dhe shumë politikanë të qytetit dhe të shtetit me të njëjtin emër.
Protesta, edhe pse ka pasur tensione gjatë zhvillimit të saj, ka përfunduar e qetë dhe vetëm me mesazhe verbale.
Përpjekjes së një grupi manifestuesish për të shkuar drejt Kullës “Trump”, i është kundërvënë policia e cila nuk ka lejuar të shkelet axhenda e miratuar e protestës. /tesheshi.com/
