Komisioneri evropian për Zgjerim dhe Fqinjësi, Johannes Hahn nuk hedh poshtë çdo ide apo zgjidhje për Kosovën, përfshirë dhe ndonjë shkëmbim territori, nëse do jetë e nevojshme për stabilitetin rajonal.
“Ne duhet të mendojnë nga një perspektivë të re”, ka thënë Hahn për Radion Evropa e Lirë.
Dhe në pyetjen mbi atë që vlon prej javësh në ambientin rajonal, shkëmbimin e territorit në mes të Serbisë dhe Kosovës, Hahn u përgjigj se “për të zgjidhur çdo konflikt dypalësh, çdo zgjidhje duhet të kontribuojë në stabilitetin më të gjerë të Ballkanit Perëndimor, kështu që çdo zgjidhje e dyanshme nuk duhet të shkojë në dëm të të tjerëve në rajon.
“Kjo duhet t’u lihet të tyre, ata janë duke diskutuar”, tha Hahn mbi idenë e një demarkacioni të ri. Edhe Vuçiç e Thaçi, e kanë potencuar kërkesën që faktori ndërkombëtar të mos ndërhyjë në këtë pikë, pasi do jenë ata që do e zgjidhin këtë çështje, gjithnjë sipas tyre në funksion të paqes përfundimtare mes dy vendeve.
“Tani ata e dinë shumë qartë se cilat janë kornizat tona me kushtëzime, tha Hahn.
Sipas tij, korniza kushtëzuara është ajo që “çdo marrëveshje për të zgjidhur konfliktin dypalësh duhet të kontribuojë në stabilitetin e përgjithshëm dhe zhvillimin e rajonit, sepse, në fund të fundit, qëllimi i të gjithë gjashtë shteteve të Ballkanit Perëndimr është që të bashkohen me BE” .
Ai gjithashtu beson se “është shumë herët të thuhet” se një zgjidhje për Kosovën mund të ketë një rezultat negativ për Bosnje-Hercegovinën apo Maqedoninë.
“Ata vazhdojnë të negociojnë dhe ahe tani janë duke punuar në negociata të mëtejshme për harmonizimin më të mirë të ideve”, tha Hahn. /tesheshi.com/
