Komisioneri europian për Zgjerim dhe Fqinjësi, Johannes Hahn tha se presidentët e Serbisë dhe Kosovës, Aleksandar Vuçiç dhe Hashim Thaçi, janë të vetëdijshëm për kufizimet që mbart idenë e shkëmbimit të territorit.
“Ata janë plotësisht të vetëdijshëm për kufizimet që kjo ide sjell, jo vetëm në aspektin e qytetarëve të tyre por edhe në atë bashkësisë ndërkombëtare”, ka thënë Hahn për Deutsche Welle.
Në mënyrë të qartë, komisioneri tha se të gjithë janë në kërkim të një zgjidhjeje, “por se të gjithë janë duke e thënë në mënyrë të qartë se çdo zgjidhje bilaterale duhet të kontribuojë në stabilitetin në rajon dhe jo e kundërta”.
Hahn përsëriti se është shumë herët për të folur për gatishmërinë e Komisionit Evropian për të mbështetur shkëmbimin e territorit, ide e hedhur nga Vuçiç dhe Thaçi, në qoftë se ajo sjell një zgjidhje të qëndrueshme për problemin, dhe theksoi se negociatat duhet të lihen t’i bëjnë ata. /tesheshi.com/
