Angazhimi ekonomik i Kinës në Ballkan po rrit shqetësimin në rritje të Bashkimit Evropian, sipas komisionerit Johannes Hahn, përgjegjës për marrëdhëniet e BE-së me Evropën Juglindore.
Kina ka qenë prej kohësh një vend që ndjek interesat e veta të biznesit – tha Hahn të enjten në mbrëmje, në një tubim me përfasqsuesit kryesorë të biznesit në zonën e gjuhës gjermane në vendpushimin austriak dimëror – Lech.
Komisioneri i BE-së deklaroi se Pekini dëshiron të eksportojë modelin e vet kombëtar.
Zgjedhja është midis demokracisë evropiane dhe kapitalizmit të tregut, nga njëra anë, dhe diktaturës dhe kapitalizmit të pakufizuar, nga ana tjetër, tha Hahn.
Ai i kërkoi BE-së të gjejë një përgjigje të përshtatshme ndaj sfidave nga Kina.
“Ne duhet të shqyrtojmë blerjen kineze të kompanive strategjike të rëndësishme”, tha Hahn.
Ndërtimi i termocentraleve, autostradave dhe urave në gjashtë vende të Ballkanit Perëndimor financohet, sipas Hahn, nga paratë kineze.
Ai përsëriti se politika e jashtme e BE duhet të bëhet më e shpejtë dhe më fleksibile.
“Ky është një parakusht për një konkurrencë globale”, tha Hahn. /tesheshi.com/
