Komisioneri për Zgjerim ende në detyrë, Johanes Hahn, ka përcjellë mesazhin e radhës për kolegët në Europë, që mos kenë asnjë vetëfrenim për t’i thënë “Po” hapjes së negociatave me Tiranën dhe Shkupin. Ky mesazh i tij vjen me afrimin e datës finale, ndërkohë që dy vendet, Shqipëria më pak se Maqedonia Veriore, janë në ankthin e ndonjë “Jo”-je.
“Shqipëria dhe Maqedonia e Veriut i janë përgjigjur reformave të kërkuara, tani është koha që edhe shtetet anëtare të përgjigjen. Faleminderit drejtuesve të BE -së për qëndrimin e fortë për hapjen e negociatave të pranimit me të dy vendet në tetor”, shkruan Hahn, një ithtar i zgjerimit të BE-së.
Megjithatë, pesha e tij diplomatike nuk është aq vendimtare për vendet skeptike,ku veçojnë Franca dhe Hollanda. Kjo e fundit është më “kërcënuese” ndaj Shqipërisë. /tesheshi.com/
