Komisioneri në ikje për Zgjerim dhe Fqinjësi i BE-së, Johannes Hahn tha se vonimi i fillimit të negociatave të BE me Maqedoninë Veriore dhe Shqipërinë do të ishte një dëm i madh për besueshmërinë e Unionit.
Për kërë arsye, Hahn së fundmi iu drejtua dhe Komisionit për Punë të Jashtme të Parlamentit Evropian.
Diplomati i lartë i Brukselit po e vuan shumë mos’hapjen e negociatave, për faktin se vetë ai ka luajtur rolin e garantit.
Sipas tij, nuk mundet që BE të mund të përballojë që së pari të merren reformat e brendshme, e më pas proceset në Ballkanin Perëndimor, pasi siç tha, në një rast të tillë ekziston rreziku shumë i një reagimi të shpejtë në ato vende.
“Besueshmëria ka pësuar dëme të mëdha. BE i flet botës për sukseset e multilateralizmit dhe ne jemi një forcë udhëheqëse në këtë pikë, e nga ana tjetër nuk kemi arritur të marrim një vendim të drejtë. Besueshmëria jonë është dëmtuar”, tha ai.
Ai gjithashtu kujtoi se besueshmëria e Unionit ishte një nga pikat më të forta të tij dhe se ishin pikërisht shtetet anëtare ato që dhanë garanci se negociatat do të fillonin pasi të përmbusheshin kriteret.
“Ne nuk i kemi përmbushur premtimet tona dhe shpresoj që vendimi të rishikohet. Shumica e vendeve kanë punuar me vite të tëra për të filluar negociatat”, theksoi ai.
Ai gjithashtu tha se kushtet e vendosura për Tiranën dhe Shkupin në qershor 2018 ishin rezultat i një konsensusi midis vendeve anëtare të BE-së dhe jo Komisionit Evropian, dhe se asgjë nuk iu “imponua” vendeve anëtare të BE-së.
Dhënia e dritës së gjelbër, tha Hahn, është para së gjithash një njohje e punës së bërë nga të dy vendet, duke paralajmëruar se BE-ja duhet të marrë parasysh pasojat e bllokadës ndaj vendeve të tjera të rajonit.
Ai vuri në dukje se perspektiva evropiane është shtysa më e madhe edhe në procesin ndërmjet Beogradit dhe Prishtinës. /tesheshi.com/
