Në një intervistë për Reuters, kryekomisioneri Johanes Hahn, e ka thënë troç që Serbia e Mali i Zi, janë favorite për të hyrë në BE, para gjithë vendeve të tjera të Ballkanit perëndimor, atyre që janë në pritje, ku renditen Shqipëria, Maqedonia, e Kosova në fund.
“Viti 2018 do të jetë një vit ku do të përdorim vrullin që kemi krijuar dy vitet e fundit, për të hedhur hapa në perspektivën evropiane për vendet e rajonit dhe Presidenti Jean-Claude Juncker ka treguar 2025, si një datë të mundshme për anëtarësim të secilit vend. Kjo është sa realiste, aq edhe ambicioze dhe varet nga secili prej vendeve kandidate, që duan të arrijnë këtë qëllim. Deri tani Serbia dhe Mali i Zi janë më të favorizurat”, tha Hahn.
Më tej ai shpreh shqetësimin lidhur më paqëndrueshmërinë politike në rajon, duke iu frikësuar infleiencës rusë, ku aluduhet se pas çdo trazire, pas është Moska.
“Ose ne do të eksportojmë stabilitet në rajon, ose do importojmë paqëndrueshmëri nga Ballkani. Procesi i pranimit të BE është mënyra më e mirë për të luftuar korrupsionin, krimin e organizuar dhe kërcënimin e autoritarizmit në rajon. Unë shpresoj se kjo është një thirrje zgjimi për politikanët përgjegjës. Unë kërkoj nga vendet që të kuptojnë se bashkëpunimi është e vetmja rrugë për të ecur përpara”, deklaroi komisioneri Hahn. /tesheshi.com/
