Komisioneri Evropian për Buxhet dhe Administrim, Johannes Hahn deklaroi se Ballkani Perëndimor i përket Evropës dhe se përpjekjet e vendeve në atë rajon do të njihen.
Ai tha se integrimi i Ballkanit Perëndimor në BE është një proces i bazuar në meritë dhe si i tillë është në interesin e vërtetë të BE-së.
“Ka të bëjë me eksportimin e stabilitetit në vend të importimit të paqëndrueshmërisë,” tha Hahn, i cili është gjithashtu një ish-komisioner për Politikën e Fqinjësisë dhe Zgjerimit.
Ai u tha “miqve nga Ballkani” që të vazhdojnë me reformat në rrugën evropiane dhe se këto përpjekje do të njihen.
Ai kujtoi se muajin e kaluar, BE vendosi të hap bisedimet e pranimit me Shqipërinë dhe Maqedoninë Veriore pavarësisht krizës në lidhje me pandeminë COVID-19.
Ai shtoi se duke riprogramuar fonde dhe masa shtesë, siç është heqja e ndalimit të eksportit të pajisjeve mjekësore, BE ka treguar qartë se Ballkani Perëndimor i përket BE-së.
Duke folur për pandeminë, Hahn tha se ishte me përmasa të pashembullta, por që nuk duhet të shërbejë si një justifikim për qeveritë që të abuzojnë me situatën dhe të vendosin masa disproporcionale. /tesheshi.com/
