Gjykata Penale Ndërkombëtare në Hagë ka refuzuar kërkesën e një prej prokurorëve të saj për të hetuar krimet e luftës që focat amerikane i kanë kryer në Afganistan.
Vendimi për refuzim thuhet të jetë ndikuar nga presioni amerikan, nën justifikimin e “paqëndrueshmërisë dhe mungesës së bashkëpunimit me hetuesit afganë.”
Ndërkohë, presidenti amerikan, Donald Trump e ka quajtur refuzimin si “një fitore të rëndësishme ndërkombëtare”.
Ky vendim nuk kaloi pa u kritikuar ashpër nga grupet mbrojtëse të të drejtave të njeriut, përfshirë edhe “Amnesty International”.
Vetëm një javë më parë, SHBA-të i refuzuan vizën prokurores së Hagës, Fatou Bensouda, pasi ishte ppikërisht ajo që bëri thirrje që të hetohen krimet e mundshme të luftës të zhvilluara nga forcat amerikane në Afganistan.
Por Donald Trump shkoi edhe më larg. Ai e quajti Gjykatën e Hagës si “të jashtëligjshme”, dhe tha se ajo do të përballej me një “kundërpërgjigje të shpejtë dhe të fuqishme” nëse do të tentonte të hetonte shtetasit amerikanë apo të aleatëve. /tesheshi.com/
