I arrestuari nga policia italiane për trafik ndërkombëtar droge, Moisi Habilaj, ka mundur “të hyjë” në mbledhjen e komisionit parlamentar të Integrimit, duke e prishur atë.
Edhe pse është një çështje që i përket fushës së Rendit, ajo ka zënë vend tek Integrimi duke shkaktuar një përplasje mes kreut demokrat të komisionit, Genc Pollo dhe ministrit të Jashtëm Ditmir Bushati.
Ky i fundit është i ndjerë i fyer nga komentet e Pollos dhe ka vendosur të lërë mbledhjen pas mostërheqjes me një “ndjesë” të deputetit demokrat.
Ishte fjala “rrugaç” në adresë të ministrit Bushatit, nga ana e Pollos, shkaku i përplasjes, por që nisi nga emri i Habilaj.
Siç po shihet, i arrestuari që përflitet nga opozita si i lidhur me ish-kreun e Rendit Sajmir Tahiri, po është dhe do jetë këto ditë kryefjala e politikës. /tesheshi.com/
