22 vjeçarja angleze Kate Miller, për 4 muaj ka futur në trupin e saj më shumë se 5 mijë kalori duke ngrënë torta, karamele dhe ëmbëlsira të tjera.
Vajza ka një dëshirë të tmerrshme për të ngrënë ëmbëlsira, por pesha e saj vijon të bjerë, aq sa ajo peshon vetëm 38 kilogramë. Prindërit nisën të dyshonin se e reja mund të ishte bulimike, por pas shumë analizash doli në shesh e vërteta. Kate nuk është bulimike por vuan nga diabeti.
Vajza jeton në Londër, në Britaninë e Madhe dhe siç raporton Mirror, përveç se ka një uri të madhe, ka edhe shumë etje, aq sa pi 6 litra ujë në ditë. Ajo ushqehet me produkte jo të shëndetshme dhe që kanë predispozitë ta shëndoshin, por vijon të dobësohet.
Kate Miller peshon vetëm 38 kiogramë. Mjeku i saj i familjes vuri re se kishte diçka që nuk shkonte me vajzën dhe e dërgoi atë për vizita të mëtejshme në spital.
Pas disa analizave u zbulua se niveli i sheqerit në gjakun e saj është në nivele shumë të larta dhe pankreasi i të resë rrezikon të dalë jashtë funksionit. Ajo është me diabet.
“Sot, nëpërmjet insulinës jeta ime është kthyer në normalitet. Më parë isha përherë e lodhur dhe problemet me ushqimin po më shkatërronin jetën. Tani jam më e qetë”,- tregon vajza. /tesheshi.com/
