Fethullah Gylen akuzohet për krijim dhe udhëheqje të një organizate terroriste, për falsifikim të dokumenteve zyrtare, si dhe për shpifje. E tëra kjo në një aktakuzë të përgatitur nga Zyra e Prokurorit të Stambollit.
19 deri në 34 vite burg kërkohet nga prokurori për Gylenin, i cili është i dyshuari kryesor në çështjen Tahshije.
Historia nis në vitin 2010, kur u krye një aksion ndaj grupit Tahshije. Shumë persona u ndaluan asokohe, e njëri, Mehmet Dogan (Mehmet Doğan), udhëheqës i grupit, u burgos për 17 muaj. I njohur ndryshe dhe si Mulla Muhammedi, ai ishte kundër ideve të Fethullah Gylenit, çka mendohet se ka sjellë dhe sulmin ndaj grupit.
Një prej provave kryesore janë gjurmët e gishtave të oficerëve gylenistë të policisë, të gjendura pas një bastisjeje në një vendqëndrim të gjoja një celule terroriste të lidhur me tahshijexhinjtë. Në ato çka u sekuestruan atëherë nuk u gjendën shenja të gishtërinjve të të dyshuarve, por të punonjësve të policisë.
Kleriku me qëndrim në SHBA është i ngatërruar gjithashtu dhe në dy çështje të tjera, në atë të skandalit të kopjimit në Provimin e Përzgjedhjes së Personelit Publik, si dhe në përgjimet ilegale telefonike brenda institucioneve shtetërore, ku përsëri ndodhet në pozitën e të dyshuarit kryesor. /tesheshi.com/
