Edhe pse Corona po avancon në SHBA, Presidenti amerikan Donald Trump, megjithatë, ka hedhur poshtë idenë e futjes së karantinës në të gjithë shtetin e New York-ut, pasi mori shumë kritika në publik.
“Karantina nuk do të jetë e nevojshme,” tha Trump përmes Twitter.
Numri i vdekjeve nga koronavirusi në SHBA po rritet me një shkallë të lartë. Tani janë konfirmuar më shumë se 2.100 vdekje, më shumë se dyfishi i numrit të vdekjeve vetëm dy ditë më parë.
Të shtunën e hershme, Trump njoftoi mundësinë e vendosjes së karantinave për New York, New Jersey dhe Connecticut, por kritikët menjëherë e deklaruan idenë e pamundur, pasi kjo do të shkaktonte kaos ekonomik në rajon.
“Nëse do të fillonit ndërtimin e mureve midis rajoneve në të gjithë vendin, do të ishte kundër-produktiev, plotësisht jo-amerikane”, tha Guvernatori i New York-ut Andrew Cuomo për CNN.
Trump, pra, ka zbutur retorikën dhe njoftoi se ai do t’i kërkojë Qendrës për Kontrollin dhe Parandalimin e Sëmundjeve (CDC) të lëshojë “udhëzime të forta udhëtimi” që duhet të zbatohen nga qeveritarët e tre shteteve.
Disa shtete federale kanë filluar tashmë masat mbrojtëse kur bëhet fjalë për udhëtarët që vijnë nga NewYork-u, ku është dhe pika më e madhe qendrore e infektimit në Shtetet e Bashkuara. /tesheshi.com/
