Guvernatori i Bejrutit: Dëmi nga shpërthimi, midis 3 dhe 5 miliardë dollarë (pamje)

Guvernatori i Bejrutit Merwan Abbud tha se dëmi nga shpërthimi në port arrin në mes 3 dhe 5 miliardë dollarë.

Duke folur për agjencinë libaneze të lajmeve NNA, Abbud përmendi për herë të parë dëmin material pas shpërthimit të madh, duke deklaruar se ai shkon midis 3 dhe 5 miliardë dollarë.

NNA deklaroi se një zjarr shpërtheu në një prej depove të eksplozivëve në portin e Bejrutit para shpërthimit.

Më parë, shefi i policisë libaneze Abbas Ibrahim tha që shpërthimi ndodhi në një depo që strehonte eksplozivin e sekuestruar më parë.

Shpërthimi ndodhi pak pas orës 6 pasdite në portin e Bejrutit dje. Sipas njoftimeve të mediave, një zjarr fillimisht shpërtheu në njërën nga depot, pasuar nga një shpërthim i frikshëm.

Sipas shifrave të fundit të publikuara nga Kryqi i Kuq i Libanit, shpërthimi ka marrë jetën e paktën 100 njerëzve ndërsa ka plagosure rreth 4,000 të tjerë. /tesheshi.com/