Sekretari i Përgjithshëm i Kombeve të Bashkuara Antonio Guterres u ka bërë thirrje udhëheqësve fetarë që të marrin pjesë në luftën kundër virusit koronar COVID-19.
Në një mesazh video, ai i falënderoi që mbështetën thirrjen për një armëpushim global dhe tha se ata mund të luanin një rol më të madh në luftimin e epidemisë së koronavirusit.
Mbështetje për gratë dhe arsimim
Duke u bërë thirrje udhëheqësve fetarë që të paralajmërojnë shoqëritë për pasojat dhe mesazhet e dëmshme të dhunës, ksenofobisë dhe racizmit, ai bëri thirrje për dënimin e dhunës në rritje ndaj grave dhe vajzave gjatë epidemisë.
Ai gjithashtu u bëri thirrje udhëheqësve fetarë të inkurajojnë gratë që ato të përfaqësohen në mënyrë të barabartë në të gjitha fushat, si dhe të mbështesin zbatimin e masave të marra nga Organizata Botërore e Shëndetit për të luftuar përhapjen e koronavirusit, në kontekstin e predikimeve të tyre gjatë veprimtarive fetare.
Duke kujtuar se miliona studentë duhej të braktisnin arsimin për shkak të epidemisë, Guterres tha se udhëheqësit fetarë gjithashtu duhet të mbështesin përpjekjet për të adresuar problemet e arsimit. /tesheshi.com/
