Sekretari i Përgjithshëm i KB, Antonio Guterres tha të Premten se pandemia e virusit korona vazhdon të lëshojë një “tsunami të urrejtjes dhe ksenofobisë, sakrificës dhe frikësimit”, dhe i bëri thirrje të gjithëve të bëjnë përpjekje për t’i dhënë fund gjuhës së urrejtjes globalisht.
“Ndjenjat e drejtuara kundër të huajve janë ngritur në mediat sociale dhe në rrugë, teoritë e komplotit antisemitik janë përhapur dhe kanë ndodhur sulme anti-muslimane në lidhje me COVID,” tha Guterres.
Ai tha se ndaj migrantëvedhe refugjatëve ishte abuzuar, duke i trajtuar si burim i virusit dhe duke iu mohuar qasjen në trajtim.
Guterres u bëri thirrje udhëheqësve politikë të tregojnë solidaritet me të gjithë njerëzit, te institucionet arsimore për t’u përqëndruar në “shkrim-leximin dixhital” në një kohë kur “ekstremistët po përpiqen të gjejnë viktima në një audiencë të kapur dhe potencialisht të dëshpëruar”.
Ai u bëri thirrje mediave, veçanërisht rrjeteve sociale, që “të heqin përmbajtjen raciste, misongjiniste dhe të tjera të dëmshme”, e nga shoqëria civile për të forcuar armët e tyre për të mbrojtur njerëzit e cenueshëm, si dhe nga udhëheqësit fetarë për të shërbyer si shembuj të respektit të ndërsjellë.
“Dhe unë u kërkoj të gjithëve, kudo, të kundërshtojnë urrejtjen, të trajtojnë njëri-tjetrin me dinjitet dhe të përdorin çdo mundësi për të përhapur mirësinë,” tha Guterres. /tesheshi.com/
