Sekretari i Përgjithshëm i Kombeve të Bashkuara Antonio Guterres paralajmëroi “se ne po përballemi me krizën më të madhe globale ekonomike që nga Lufta e Dytë Botërore dhe me kolapsin më të madh të të ardhurave që nga viti 1870”.
Ai paralajmëroi se 100 milion njerëz mund të zhyten në varfëri ekstreme, dhe uria mund të rritet në përmasa historike.
Guterres tha se virusi mikroskopik, i cili e uli botën në gjunjë, në të vërtetë zbulon se sa e brishtë është bota, por edhe mangësitë në sistemin shëndetësor që janë lënë pas dore me vite.
Pabarazi në rritje
“Ndërsa 70 përqind e popullsisë jeton në pabarazi në rritje të të ardhurave, 26 njerëzit më të pasur kanë gjysmën e pasurisë së popullatës globale,” shpjegoi sekretari i përgjithshëm i KB.
Ai gjithashtu kujtoi protestat që u përhapën në të gjithë botën për shkak të vdekjes së afro-amerikanit George Floyd.
“Njerëzit janë lodhur tani, të lodhur nga pabarazia dhe diskriminimi, racizmi dhe padrejtësia sistematike,” tha Guterres. /tesheshi.com/
