Mbi atë çfarë po ndodh këto ditë në Gutën Lindore në Siri, ka reaguar së fundi dhe Sekretari i Përgjithshëm i OKB-së, Antonio Guterres. “Ata po e jetojnë ferrin në tokë”, tha Guterres. Reagimi i tij erdhi pasi së bashku me paraardhësin Ban Ki-moon, morën pjesë në seancën e Këshillit të Sigurisë së OKB-së mbi ofrimin e paqes dhe sigurisë ndërkombëtare.
Guterres tha ndër të tjera se komuniteti ndërkombëtar po humb më shumë kohë dhe burime për t’iu përgjigjur krizave, në vend që t’i ndalojë ato.
Nga ana tjetër, ambasadori rus në Kombet e Bashkuara, Vasily Alekseevich Nebenzya, ka kërkuar një mbledhje të Këshillit të Sigurisë të OKB-së mbi gjendjen në Gutën Lindore
Ndërsa ambasadorja amerikane Nikki Haley, tha se nuk mund të vazhdohet të mbyllen sytë para një tragjedie njerëzore, e cila po përjetohet në Gutën Lindore.
Edhe ambasadori britanik, Jonathan Allen, tha se Guta Lindore është shndërruar në një rajon vdekjeje dhe rrënimi. /tesheshi.com/
