Edhe pas polemikës Rama-Basha mbi qëndrimet e deputetit gjeman Gunter Krischbaum, ky i fundit sërish ka shpallur qëndrimin kundër hapjes së negociatave me Shqipërinë.
Në një intervistë per mediat gjermane sot, ai deklaroi se kërkesa e Shqipërisë për hapjen e negociatave është e papjekur.
Sipas tij “korrupsioni dhe nivelet e larta të krimit të organizuar”, është pengesa e parë.
Ndërkaq, deputeti i CDU-së e ka pasqyruar këtë edhe në faqen e tij në facebook, ku ka paraqitur një foto nga séance e parlamentit ku mbi kryeministrin Edi Rama u hodh miell nga deputetët e PD-së.
Gunther Krichbaum është deputet i partisë së kancelares Anglea Merkel, prej vitesh kryetari i Komisionit të Çështjeve Europiane në Bundestag.
Pak ditë më parë Lulzim Basha akuzoi Edi Ramën se me paratë e krimit, drogës e korrupsionit po financon në media një fushatë akuzash dhe shpifjesh kundër Krichbaum.
Rama reagoi duke i kërkuar Bashës që të mos hedhë baltë mbi Shqipërinë deri në qershor kur pritet vendimi për negociatat. /tesheshi.com/
